Helidon Bushati ka dhënë sot dorëheqjen nga posti si drejtues politik i qarkut Shkodër. Lajmin e ka bërë të ditur vetë Bushati përmes një postimi në rrjetin social Facebook. Ai shkruan se ka marrë këtë vendim pas një reflektimi që ka bërë edhe mbi situatën në të cilën ndodhet PD.
“Të dashur miq! Bashkëqytetarë dhe shkodranët e mi të nderuar! Pas një reflektimi të thellë rreth situatës politike dhe zhvillimeve në PD, kam marrë vendimin për t’u tërhequr nga roli i Drejtuesit Politik për Qarkun e Shkodrës. Këtë qëndrim, e kam komunikuar me drejtuesit e PD, përpara kësaj shpallje”, tha ai.
Në fund, Bushati është shprehur se, PD po kalon momente të vështira por, është shprehur i bindur se demokratet do të dinë të bashkohen shpejt, e të ringrihen së bashku.
Discussion about this post