Gjatë diskutimeve nga mbledhja e grupit parlamentar të PD-së, deputeti Helidon Bushati është rreshtuar te ata deputetë që i kanë kërkuar dorëheqjen Kryetarit Lulzim Basha.
Në fjalin e tij, Bushati ka folur hapur teksa ka thënë se e një drejtues që ka humbur beteja dhe gara mund të fitoje betejën kryesore që është sipas tij, beteja për dinjitetin e emrit të tij duke dhënë doreheqjen.
Bushati u shpreh i të njëjtit mendim, se sot ata duhet të ishin në shesh në krah të qytetarëve të cilët protestojnë prej katër ditësh për rritjen e çmimeve.
“Kryetar, është fatkeqësi që sot nuk jemi në shesh së bashku me protestuesit por këtu duke u marrë me procedura partie. Në vend që të jemi atje për të qarë hallet e popullit jemi këtu duke qarë hallin e karrigeve tona. është rasti i parë në historinë tonë që një kryetari partie i kërkohet dorëheqja nga grupi i i vet parlamentar. Me qëndrim tuaj po ndihmoni në agonizimin e partisë dhe po e bën partinë demokratike të kthehet në objekt memesh për lidhjen e pakuptueshme tuajën me karrigen. Një drejtues që ka humbur beteja dhe gara mund të fitoje betejën kryesore që është beteja për dinjitetin e emrit të tij nëpërmjet dorëheqjes”, u shpreh Helidon Bushati.
Gjithashtu Bushati tha se sot grupi parlamentar i Partisë Demokratike është mbledhur që të dëgjojnë vetëm “dorëheqjen” e kryetarit Basha.
“Dorëheqje por duke ngelur pjesë e zgjidhjes së problemit. Sot jemi këtu për të dëgjur një dhe vetëm një gjë…DOREHEQJE. Kryetar sot kë mundësi të humbësh karrigen e të fitosh dinjitetin dhe respektin e demokratëve. është koha të mendojmë për bashkimin e demokratëve. Kjo nuk ndodh duke u mbërthyer pas karriges, kjo ndodh kur sejcili prej nesh bën hapa pas sakrifikon dhe mendon për ata demokrat ata shqiptare që presin prej nesh. Sot PD, ka nevojë për një Kuvend Bashkimi.”, tha Bushati.
Discussion about this post