Të paktën 11 fëmijë vdiqën si rezultat i një sulmi ajror dhe pa dallim zjarri në zonat civile më 16 shtator, duke përfshirë një shkollë në Tabayin Township, në rajonin Sagaing, në Myanmar. Këtë ngjarje të rëndë e ka bërë të ditur Unicef.
Të paktën 15 fëmijë nga e njëjta shkollë janë ende të zhdukur, thuhet në një shënim nga Fondi i Kombeve të Bashkuara për Fëmijët që bën thirrje për lirimin e tyre “të menjëhershëm dhe të sigurt”. “Shkollat duhet të jenë të sigurta. Fëmijët nuk duhet të sulmohen kurrë”, vazhdon shënimi i UNICEF-it.
Administratorja e shkollës Mar Mar tha se ajo po përpiqej t’i çonte nxënësit në një vend të sigurt fshehjeje kur, të premten e kaluar, dy nga katër helikopterët qeveritarë Mi-35, që u ngritën në veri të fshatit Let Yet Kone në Tabayin, rreth 110 km në veriperëndim të Mandalay, filluan të gjuanin me automatikë dhe armë më të rënda në shkollë.
Discussion about this post