Helmimet në Bulqizë nga uji, vjen reagimi i policisë

Policia ka reaguar pas ngjarjes së dy ditëve të fundit, ku rreth 30 persona janë paraqitur në spital në qendrën shëndetësore në Gjoricë të Bulqizës, me simptoma helmimi.

Përmes një reagimi, Policia thotë se personat në fjalë, pasi kanë marrë trajtimin e duhur shëndetësor, janë larguar drejt banesave të tyre.

Ndërkohë sipas policisë, në lidhje me këtë ngjarje, është ngritur menjëherë Grupi hetimor dhe në bashkëpunim me Drejtorinë Rajonale të AKU-së, dhe nën drejtimin e Prokurorisë, po vijon intensivisht punën për sqarimin e plotë të rrethanave të këtij rasti.

Reagimi i policisë:

Në qendrën shëndetësore Gjoricë, gjatë ditës së djeshme dhe ditës së sotme, janë paraqitur për të marrë ndihmë mjekësore rreth 30 banorë të zonës, të cilët kanë shfaqur simptoma helmimi. Pasi janë trajtuar me ndihmën e parë mjekësore, banorët janë larguar në banesat e tyre.

Në lidhje me këtë ngjarje, është ngritur menjëherë Grupi hetimor dhe  në bashkëpunim me Drejtorinë Rajonale të AKU-së,e  nën drejtimin e Prokurorisë, po vijon intensivisht punën për sqarimin e plotë të rrethanave të kësaj ngjarjeje.