Deputetet e Partisë Demokratike Orjola Pampuri,Merita Bakiu dhe Dhurata Çupi kanë folur për helmimin masiv të qytetarëve në Krujë ku nga të dhënat e para dyshohet se ka ardhur si pasojë e ujit të pijshëm. Gjatë fjalës, Orjola Pampuri tha se jeta e shqiptarëve është cenuar nga tenderët korruptivë të Edi Ramës, i cili gjatë fushatës inauguroi ujësjellësin në këtë zonë. Gjithashtu, deputetet e opozitës njëzëri kërkuan që Prokuroria të reagojë për të sqaruar qytetarët lidhur me këtë çështje.
“Kushtet linin shumë të dëshiruar. Nuk keni arsye të vendosni në dyshim asgjë. Uji është ajo që Rama e inauguroi gjatë fushatës atë tenderin korruptim, kushtet janë ashtu dhe më keq. Kushtet kur të sëmurët po marin sorum janë skandaloze, të thermi realitetin. Sot është prekur jeta e shqiptarëve për korrupsionin e qytetarëve, ne na kushton shumë , nuk dua të politizoj , farë ati j korrupsioni të Ramës ka cenuar qytetarët. Sa ekipe janë për ti ndjekur këta qytetarë në shtëpi çfarë mjekimi, askujt nuk i vlen që situata është rozë kur është e i tillë siç e shihni ju. Le ti themi gjërat siç janë”, u shpreh Orjola Pampuri.
Ndërsa Dhurata Çupi tha se qeveria nuk ka marrë asnjë herë seriozisht ankesat e banorëve ndaj ujësjellësve. Sipas saj gjendja është kritike jo vetëm në Krujë, por edhe në qytetet të tjera prandaj qeveria organet përgjegjëse duhet të veprojnë urgjentisht.
“Është një shqetësim që nuk u mor seriozisht nga organet, ne takuam qytetarët është e ndjeshme si problematikë, pasi një fëmijë 10- vjeçar dhe zotërinj me serum që pretendojnë se mund të jetë nga uji. Ku është Prokuroria, organi i drejtësisë, çfarë mase kanë marrë pse nuk sqarojnë qytetarët lidhur me këtë çështje, pasi helmimi është masive dhe sigurisht ka një indice. Institucionet duhet të veprojnë në mënyrë urgjente. Rama bëri fushatë madje duke provuar edhe ujin, duhet të kemi deklarata të pavarura, unë vij nga një zonë nga Bulqiza dhe askush nuk të jep përgjigje. Nesër mos përsëritet dhe që institucionet të kryejnë detyrën e vet”, përfundoi Dhurata Çupi.
Ndërsa deputetja Merita Bakiu tha se ështëe turpshme që ministrja Balluku po e konsideron këtë problem si fare normal. Sipas saj akoma më keq situata kur Prokuroria rri durakryq.
“Nuk e di në cilën sallë ka hyrë ministrja. E ftoj që të hyjmë në urgjencë dhe të shikojmë kushte, nëse për ministren janë normale nuk e komentoj këtë pjesë. Problemi është që brenda familjes nuk janë të sëmurë gjithë familja, nga një familje 5 anëtare 3 janë të sëmurë dhe 2 jo. Nuk kemi asnjë përgjigje nga prokuroria”, tha Merita Bakiu.
Partia Demokratike ka denoncuar problematikat me këtë ujësjellës që në korrik, kur për disa javë banorëve ju ndërpre furnizimi me ujë. Ndërsa sot, PD bëri me dije se do ta çojë më lartë këtë çështje që fajtorët të vihen para përgjegjësisë.
