21 nxënës kanë shfaqur probleme shëndetësore në fshatin Shalë të Lipjanit, ndërsa Instituti Kombëtar i Shëndetit Publik të Kosovës ka marrë mostrat e ujit në shkolla.
Tetë nxënës mungojnë, megjithëse procesi mësimor ka vijuar dhe të shtunën.
Nxënësit e shkollës “Ibrahim Banushi” kanë shfaqur probleme shëndetësore të cilat dyshohet se janë shkaktuar nga uji.
Për shkak të këtyre dyshimeve, Instituti Kombëtar i Shëndetësisë Publike tashmë ka marrë mostrat e ujit. Mirëpo sipas drejtuesit të këtij institucioni, ky ujë është i pijshëm.
Po në këtë fshat u helmuan dhe 11 nxënës të tjerë, në shkollën “Shaqir Hoxha”. Në mësimin e së shtunës u paraqitën vetëm dy nxënës, pasi të tjerët janë duke marrë trajtim mjekësor.
Zyrtarë të Institutit Shëndetësor po bëjnë analizat e ujit për të dyja shkollat dhe në orët në vijim pritet të konfirmojnë shkaqet.
Discussion about this post