Gjykata e Lartë ka dënuar përfundimisht me 32 vite burg Marjana Çmetën e cila në vitin 2017 helmoi vjehrrën pas zënkave që kishin mes tyre.
Marjana Çmeta kishte paraqitur rekurs dukë ankimuar vendimin e dhënë nga Apeli me 28 nëntor 2020, por treshja e shkallës së tretë të gjyqësorit vendosi mos pranim ndaj ankimit të saj.
Sipas hetimeve të prokurorisë në atë kohë ka rezultuar se Marjana Çmeta ishte vetëm në banesë me vjehrrën e saj viktimën Lirie Lami. Ajo i ka ofruar një pije frutash ku kishte hedhur brenda fotoksinë.
Më pas duke parë që viktima nuk po ndërronte jetë, nusja ka kryer dhe veprime fizike duke e mbytur me shall dhe pas reagimeve të viktimës e ka kafshuar në fytyrë dhe pjesë të tjera të trupit.
Më pas ka njoftuar vëllain e burrit të viktimës, banesa e të cilit ka qenë pranë dhe e kanë transportuar për në spital duke e paraqitur si të vetëhelmuar.
Vetë djali i të ndjerës që pas ngjarjes u divorcua me bashkëshorten, ndërsa deklaroi se ajo kishte kapur nënën për flokësh dhe e gjuante ndërsa djali ka ndërhyrë disa herë për t’i ndarë.
Discussion about this post