Hepatiti akut tek fëmijët ka ngritur alarmin në të gjithë botën, pasi po përhapet në masë të madhe dhe është shumë i rrezikshëm. Ajo që ka shqetësuar mjekët në shumë shtete të botës është fakti se dyshohet se mund të jetë një kombinim i adenovirusit 41 dhe koronavirusit. Deri më tani nuk janë bërë publike raste në Shqipëri, por lidhur me këtë çështje ka reaguar sot shefja e Departamentit të Sëmundjeve Infektive në Institutin e Shëndetit Publik Silva Bino.
Ajo tha se dyshimi për raste në vendin tonë kjo është një prej hipotezave që duhet faktuar, ashtu si dhe rrugët e transmetimit të sëmundjes. Pasi end nuk ka një rezultat përfundimtar. Ajo tha se, në Shqipëri deri tani nuk ka asnjë rast të dyshuar. Ndërsa autoritetet shëndetësore kanë ngritur vigjilencën dhe po hetojnë në dy plane për rastet ku prindërit dyshojnë.
Hepatiti akut shfaqet me shenja të traktit tretës, të vjella, diarre, këputje e zverdhje të lëkurës. Mjekët i bëjnë thirrje prindërve të tregojnë kujdes dhe të kërkojnë ndihmën e specialistit kur vënë re simptoma të tilla tek fëmijët.
Discussion about this post