Në Portin e Durrësit u kapën 7 kg e 300 gr kokainë brenda një furgoni. Të arrestuar janë dy persona, shoferi dhe pronari i furgonit ku u gjet lënda narkotike, Arjan Doçi dhe Mentor Çuni
Ardjan Doçi, drejtuesi dhe njekohësisht pronari i furgonit ku u gjet lenda narkotike, 7 kg kokainë, ka deklaruar se drogën ja ka marrë një personi në Tirane, po pa dhënë identitetin e tij. Ndërsa djali i tezes se tij, shtetasi Mentor Çuni ka deklaruar se s’ka pasur dijeni për lëndën narkotike.
“Kokainen ma dha një person në Tiranë që nuk u identifikua. Pagoi paratë për transportin dhe më dha koordinatat se ku do ta çoja. Atje me tha se me priste një person që do më gjente vetë. Këtë intenerar kemi disa vite që e bëjmë, por kjo është hera e parë që mora përsipër të transportoja drogë. Pasi ngarkuam në Tirane, mora kushëririn (djalin e tezes) me vete për të më ndihmuar gjatë rrugës. Fillimisht do shkarkonim disa pako në Itali, gjëra që familjaret u kishin dërguar të afërmve te tyre dhe më pas do vijonim udhëtimin drejt Anglisë. Sa i përket drogës, nuk ua di emrat as atij që ma dha dhe as atij që e priste.
Vetëm koordinatat. Thjesht mora përsiper ta transportoja. Me shpresën se nuk do më kapnin gjatë rrugës. Mentori s’ka lidhje fare pasi është thjesht punëtor dhe s’kishte dijeni për kokainën”,- ka deklaruar ndër të tjera para hetuesve të policisë, Ardjan Doçi.
Ndërkohe, policia ka sekuestruar telefonat celular të të dy personave te arrestuar dhe po punon për identifikimin e personave të tjerë të përfshire në këtë rrjet të trafikimit ndërkombëtar të kokainës.
Discussion about this post