Presidenti serb, Aleksandër Vuçiç ka bërë një deklaratë të fortë ditën e sotme. Duke folur në 20 vjetorin e BIA-s serbe, Vuçiç u shpreh se BE i ka kërkuar që të “dorëzojë” Kosovën për diçka të vogël sipas tij.
“Nëse refuzoni, atëherë jeni në telashe”, e arktikuloi kërkesën perëndimore ndaj Serbisë rreth Kosovës presidenti serb, i cili shtoi se vendet perëndimore “nuk po më kërcënojnë si Aleksandër Vuçiç por tërë shtetin dhe mbijetesën e tij”.
“Është hera e parë që po e them publikisht” , vazhdoi ai, duke e laboruar, siç thotë ai, presionin e madh ndaj Serbisë.
“Asgjë nuk u mjafton. Thonë problemi është refugjatët. S’ka problem, do t’ua heqim regjimin pa viza. Do t’i zgjidhim këta probleme, por s’do të mjaftojë, s’do të jetë as lajm. Le të vendosim sanksione sepse u pengon se ka një vend tjetër që qëndron dhe dëshiron të ketë mendim të pavarur, dhe nuk ka kërcënuar askënd në tokën e tij. Ne nuk kemi sulmuar askënd, por u ndëshkuam ashpër, më keq se Iraku dhe Afganistan”, vazhdoi të thotë ai.
Vuçiç foli edhe për propozimin franko-gjerman për të cilin tha se “së paku edhe për pak kohë nuk do të jetë publike”, por se tanimë “të gjithë po flasin për të dhe janë pozicionuar pro-dhe-kundër”, shkruan Reporteri.
Në këtë propozim, Aleksandër Vuçiç thotë se Serbisë i ofrohet garancia për anëtarësim të përshpejtuar në Bashkimin Evropian në këmbim të lejimit të Kosovës të anëtarësohet në organizata ndërkombëtare e në veçanti në Kombe të Bashkuara. Ai tha se Serbia nuk e pranon këtë propozim.
Discussion about this post