Legjenda e Bayern Munich, Mehmet Scholl, kritikoi Lucas Hernandez pasi lojtari francez u transferua te Paris Saint-Germain (PSG). Hernandez ndau një mesazh të gjatë në rrjetet sociale, duke shprehur mendimet e tij për largimin nga Bayern. Në postimin e tij ai ka shkruar:
“Sot është me zemër të rëndë që ndaj lamtumirën time nga klubi. Pas shqyrtimit të kujdesshëm, kam vendosur të përballem me sfida të reja. Do të doja t’ju falënderoja për mbështetjen tuaj të palëkundur gjatë kohës sime këtu.”
“Momentet e përbashkëta do të mbeten përgjithmonë në kujtesën time, si dhe trofetë e fituar, veçanërisht Liga e Kampionëve që kam ëndërruar gjithmonë”.
“Dëshiroj të falënderoj kolegët e mi, ekipin e trajnerëve, të gjithë stafin e klubit si dhe menaxhmentin dhe trajnerët e FC Bayern Munich për besimin dhe mbështetjen e tyre të pakushtëzuar në çdo kohë. Ky klub më ka bërë të rritem si lojtar dhe si një person.”
“Krenar që kam veshur fanellën e një prej klubeve më prestigjioze në botë. Së fundi, po ju kërkoj të respektoni vendimin tim, edhe nëse lamtumirat janë gjithmonë të vështira.”
“Sidoqoftë, Scholl nuk ishte aspak i kënaqur me mënyrën se si Hernandez u largua nga klubi. Ai shkruante si koment nën postimin e lamtumirës: “Nuk besoj asnjë fjalë që thua. Mirupafshim”.
Discussion about this post