Edi Basha realizoi një gol për Kukësin dhe dhuroi një assist në duelin ndaj Laçit. Pas ndeshjes ai theksoi se është optimist se do të shënojë shumë gola ndërsa zbuloi se çfarë i pëlqen atij në Shqipëri.
“Së pari jam shumë i lumtur, që shënoj dhe ndihmoj ekipin me gola. Shënova edhe sot dhe morëm vetëm 1 pikë. Kishim mundësi për të marrë pikë të plota, por nuk ia dolëm. Një mësim i mirë për ne. Gjithsesi në fund dy pikë të humbura.
Qëllimi im nuk është t’i fus vetes presion duke vendosur objektivin. Mund të shënoj 10 ose 15 gola, por ajo që është e rëndësishme është të ndihmoj ekipin.
Më pëlqen shumë Shqipëria. Liga është shumë e mirë. Stadiumet janë shumë mirë, fushat shumë të mira. Është një kënaqësi për mua. Jam i kënaqur me gjithçka”, u shpreh Edi Basha.
