Heroi i Polonisë në duelin ndaj Shqipërisë, Sviderski ka theksuar për mediat greke pas rikthimit tek skuadra e PAOK se nuk duhet të kishte festuar përpara tifozëve shqiptar çka solli edhe reagimin e këtyre të fundit.
“Po, ndjehem edhe unë fajtor për incidentin në stadium, pasi nuk ishte nevoja të shkoja dhe të gëzohesha përpara tifozëve shqiptarë, e sidomos atyre të organizuar. Duhet të kuptojmë që u ndjeva i lumtur kur shënova në këtë ndeshje kaq vendimtare dhe veprova thjeshtë nga pasioni. Sinqerisht më vjen shumë keq për incidentin.
E përsëris, fakti që tifozët reaguan në këtë mënyrë ishte deri diku edhe përgjegjësia ime. Në atë moment isha nën ndikimin e emocioneve të mia”, tha futbollisti polak.
