Deputeti demokrat Gazment Bardhi tha në studion e emisionit “Open” se numri 2 i Partisë Socialiste, Damian Gjiknuri është nën hetim nga SPAK lidhur me aferën e inceneratorëve.
Bardhi tha se të tre procedurat për inceneratorët, Elbasan, Fier dhe Tiranë, janë anti-ligjore dhe kjo pohohet nga SPAK.
Bardhi tha se nëse hetimit i shkohet deri në fund atëherë të jeni i bindur që koka e aferës së inceneratorëve nuk është Arben Ahmetaj, por Kryeministri Edi Rama.
“Dosja që ka ardhur në Kuvend është hetim për Arben Ahmetaj. Nëse analizon veprimet e Ahmetajt, analizon edhe veprimet e institucioneve të tjera”, tha Bardhi.
Ndërkohë avokati Jordan Daci shprehu bindjen se dosja e Arben Ahmetajt është maja e ajsbergut, pasi ajo që do të ndodhë me inceneratorin e Tiranës është shumë më e madhe. Daci tha se hetimet për inceneratorin e Tiranës do të godasin kryebashkiakun e Tiranës.
Discussion about this post