Sali Berisha ‘ndihmoi’ Erion Veliajn të zbulojë identitetin e paditësit në SPAK, për të cilin kryebashkiaku i Tiranës kishte deklaruar se është një person që nuk ekziston. Lideri demokrat pohoi se disponon të dhëna për këtë dosje dhe sipas tij ato mund të përpilohen vetëm nga Kryeministri.
“Dosja Nesti nuk ka asnjë lidhje me këto që ju thashë unë ju. Jo asnjë lidhje. Kush është ai që mund të çojë dosjen me të dhëna TIMS, me regjistrime, me fatura hotelesh, udhëtimesh fabuloze, një avion fantazëm i 2004-2011-2014 me të cilin ka udhëtuar Veliajt. Këto nuk mund t’i çojë asnjeri tjetër në Shqipëri, përveç Edi Ramës. Nesti është Edi Rama”, u shpreh Berisha.
Teksa shprehu edhe njëherë rezervat e tij ndaj hetimit që po kryen SPAK për këtë dosje, Berisha kërkoi nga prokurorët që të bëjnë publike telefonatat mes ish-ministrave Arben Ahmetaj dhe Lefter Koka, ku sipas tij implikohet Rama dhe Veliaj.
“Lali vjedhësi fijet i ka me Edi Ramën, paratë i ka ndarë me Edi Ramën dhe shqiptarët nuk duhet të mësojnë se kushkuan ato para, si u ndanë ato para. Nuk duhet. Ka një telefonatë, por nuk duan ta marrin. Le të marrin telefonatën e Ahmetajt me Lefter Kokën, ta bëjë publike SPAK, por nuk e bën dot se akuzon veten rëndë”, theksoi kreu demokrat.
Berisha thotë se ka dekodifikuar edhe gjuhën e komunikimit publik mes socialistëve.
“Tani ju nuk e keni të qartë atë kohë dhe nuk keni pse ta keni, por e vërteta është që Nexhmije Hoxhën e burgosi Ramiz Aliaj. Çka do të thotë se, Erion Veliajt, ky shkrimtari i palodhur i Erion Veliajt, me krahasimin që bën me Nexhmijen, i thotë Ramës se njëlloj si Ramizi që arrestoi Nexhmijen ti po arreston Erion Velaijn. Të gjitha këto janë pra dëshmi e një luftë të egër brenda llojit e cila po e shndërron në copë, copë, partinë e krimit, partinë e rilindjes, ashtu siç është ajo”, vijoi Berisha.
Lideri demokrat prezantoi edhe një platformë online për Diasporën, ku u kërkoi mbështetësve të tij në emigracion që të regjistrohen për të shprehur mbështetjen ndaj opozitës.
Discussion about this post