Tre ditë nga vrasja e Erigers Mihasit dhe Armando Dumanit, ende asnjë gjurmë nga autorët. Hetimet për këtë ngjarje që shënon edhe “rizgjimin” e atentateve mafioze në vend, vijojnë ndërsa tabulatet telefonike të viktimave pritet të zbardhin itinerarin e tyre para ekzekutimit.
Dyshimet janë se dy të rinjtë janë kontaktuar për të lëvizur rreth zonës së Astirit, megjitthatë deri më tani, nga vëzhgimi i tabulateve nuk është përftuar asgjë konkrete.
Po ashtu një sërë kamerash sigurie janë sekuestruar dhe ka nisur vëzhgimi i tyre pranë vendit ku është djegur automjeti tip “Toyota” me të cilin lëviznin autorët.
Sekuestrimi i kamerave ka ndodhur edhe përgjatë autostradës Tiranë-Milot dhe zonave përreth.
Momentet e atentatit janë filmuar nga kamerat e një firme ndërtimi që po bën punime në rrugë, por deri në këtë fazë të hetimit, nuk ëshët krijuar ende asnjë identikit i autorëve që dyshohet se janë vrasës me pagesë. Sakaq, në identifkimin e tyre nuk kanë ndihmuar as dëshmitë e 15 të shoqëruarve.
Ekzekutimi i dyfishtë dyshohet të ketë ndodhur për larje hesapesh dhe përfshirje në banda kriminale.
Discussion about this post