Gazetarja e News24 Klodiana Lala ka zbuluar se hetimi në i Prokurorisë së Posaçme në lidhje me Zvërnecin ka nisur prej 1 viti e gjysmë, ndërkohë ka paralajmëruar se të dhënat që SPAK ka në duar, mund të “djegin” nivele të larta në politikë.
Që do të thotë ka veprime konkrete që nuk kanë filluar sot dhe nuk është e vërtetë që hetimet kanë nisur sot dhe kryesisht, por është një hetim që zgjat prej më shumë se një viti e gjysmë.
Flas për hetimin e SPAK-ut që ka rreth një vit e gjysmë që ka nisur dhe që ka veprime konkrete. Madje, dhe ditën e sotme në News24, asnjë televizion tjetër nuk e transmetoi, por ne kishim të gjitha lëvizjet e SPAK-ut duke ushtruar kontrolle tek njerëz të besuar apo të bashkëlidhur me Artur Shehun, që njihet si një personazh kontrovers i botës së krimit, me banim në Shtetet e Bashkuara të Amerikës. Ka pasur në mesin e atyre që janë kontrolluar në banesa dhe zyra, biznesmenë të njohur, janë sekuestruar celularë… Pra, ka një hetim shumë të thelluar që mendoj se dhe aty brenda në atë hetim nuk janë vetëm dokumente, por në informacione që News24 disponon, ka edhe përgjime, ndoshta-ndoshta edhe të prokurorive të huaja, të cilat kanë qenë duke hetuar grupe të strukturuara kriminale dhe individë për llogari të tyre, kur ndërkohë kanë përgjuar edhe eksponentët shqiptarë të krimit”, tha ajo.
Ngjarjet e rregjistruara gjatë protestës së qytetarëve në Zvërnec kundër projektit të ri në jug të vendit, kanë sjellë reagime të ashpra. E ftuar në emisionin “Studio24”, gazetarja e njohur e kronikës, Klodiana Lala, ka hedhur dritë mbi prapaskenat e asaj që ndodhi, duke bërë publike detaje tronditëse lidhur me kompanitë e sigurisë private të përfshira në konflikt.
Pas ngjarjeve të rënda dhe dhunës ndaj qytetarëve në Zvërnec, gazetarja e njohur e kronikës, Klodiana Lala, ka lëshuar akuza të forta në emisionin “Studio24”, duke zbuluar se e gjithë historia e pronave në këtë zonë është e përfshirë në falsifikime dhe tashmë ndodhet nën hetim nga SPAK.
“Zvërneci ka një hetim nga SPAK. Figura kryesore është Artur Shehu, i larguar nga Shqipëria para 25 vitesh. Kishte një shndërrim me familjarë të vrarë në Vlorë nga përplasjet e bandave. I vendosur në Miami dhe përmes avokatit të familjes, Pëllumb Petritaj, falsifikoi pjesën më të madhe, i ka kaluar në transaksione në persona të dytë e tretë duke shkuar deri te projekti që është hedhur ideja sot. Ai ka shitur prona që i ka marrë përmes falsifikimit,” zbardhi gazetarja.
Gazetarja Klodiana Lala ka hedhur poshtë zërat dhe narrativat e përhapura në publik se pas këtij projekti qëndrojnë investitorë izraelitë. Ajo ka zbërthyer skemën e pronësisë së kompanisë offshore, duke zbuluar se kush janë aksionerët e vërtetë që fshihen pas një trusti holandez.
Aksionerët e parë: Një shtetas holandez me prejardhje ruse dhe një shtetas bullgar.
Trusti Holandez: Kompania zotërohet nga “Dutch Management Trust”.
Pronarët e fshehur: Brenda këtij trusti janë 5 shtetas shqiptarë. Katër prej tyre zotërojnë nga 24% të aksioneve, ndërsa i pesti zotëron 4%.
Sipas gazetares, kjo ndarje specifike aksionesh është bërë qëllimisht për të shfrytëzuar hapësirat ligjore të vendeve offshore: “E kanë bërë që të mbrojnë veten në offshore sepse ligji i mbron nëse nuk kanë më shumë se 25%. Ne nuk e dimë kush janë zotëruesit e vërtetë të Zvërnecit. Qeveria shqiptare duhet t’i japë fund.”
Duke u ndalur te përgjegjësia e qeverisë, Lala theksoi se megjithëse vendi duhet të krijojë klimë pozitive për investimet e huaja, ekzekutivi kishte detyrimin të bënte skanimin e plotë të pronësisë përpara se të jepte dritën jeshile për projekte të tilla.
“Qytetarët i kërkojnë llogari Edi Ramës me të drejtë. Shqipëria duhet të mbështesë dhe të krijojë një klimë të mirë për bizneset e huaja, por duhet të kishte pasur një verifikim të plotë të titujve të pronësisë,” përfundoi Lala.
gijotina.com/
Discussion about this post