Pedagogu dhe teologu Ermir Gjinishi u tregua mjaft i ashpër me imamin që ka bërë martesë fetare me 16-vjeçaren me mjekun Dervish Hasi.
Duke folur në emisionin “Të Paekspozuarit”, Gjinishi tha se imami ka bërë një akt martesor jashtë kushteve fetare dhe e ka konsideruar fetarisht të rregulluar dhe ky akt martesor është nul sepse vajza është nën moshë, sepse feja respekton referencat shtetërore. Nuk ka martesë në Shqipëri 16-17 vjeç, vetëm 18 vjeç e sipër.
“Kjo martesa fetare ka rregulla. Tani ky imami që na doli se qenka punonjës i Komunitetit Mysliman, unë nuk e dija, por kjo qenka më e rëndë, imami ka bërë shkeljen numër një. Mos u merni me 14-16 vjeçe. Ajo vetëm sa do ta rëndojë. Këtu fillon problemi. Problemi është te imami. Krimi ka ndodhur te imami, hetimi duhet të fillojë te imami, sepse ka bërë një akt martesor jashtë kushteve fetare dhe e ka konsideruar fetarisht të rregulluar.
Ky akt martesor është nul sepse ky kjo vajzë është nën moshë, sepse feja respekton referencat shtetërore. Nuk ka martesë në Shqipëri 16-17 vjeç, vetëm 18 vjeç e sipër. Që këtu fillon shkelja e imamit. Ligji fetar është shkelur dhe këtu fillon historia. Personi që e ka bërë këtë martesë ka përgjegjësi ligjore.
Imami nuk duhet ta kishte bërë këtë martesë dhe ka shkelje ligjore. Komuniteti Mysliman duhet të marrë masa për imamin. Është prostitucion ky. Imami ka bërë një mashtrim, që ka patur pasoja mbi vajzën”-tha Gjinishi.
Discussion about this post