Ilir Meta, kryetar i Partisë së Lirisë, e konsideron hetimin e SPAK ndaj ish-Kryeministrit Sali Berisha si një çështje politike, e urdhëruar nga Kryeministri Edi Rama, me qëllim që të diktojë kampin opozitar dhe ta përçajë atë.
Në një prononcim për mediat nga Fieri, ku zhvilloi një takim me strukturat e PL-së, Meta u shpreh se protesta e 20 shkurtit dha një mesazh të fuqishëm. Sipas tij, përpjekjet e kryeministrit Rama për të shkatërruar pluralizmin politik janë të pashpresa.
“Pak ditë më parë u mor një vendim absurd kundër zotit Beleri. Sa i takon zotit Berisha kjo është një çështje 1000% politike, e urdhëruar nga Rama, që synon izolimin e tij me shpresën për të diktuar dinamikën brenda kampit opozitar dhe për të nxitur përçarje. Por mitingu i 20 shkurtit dha një mesazh të fuqishëm dhe absolutisht përpjekjet e tij për të shkatërruar pluralizmin politik janë të pashpresa”, tha Meta.
Discussion about this post