Me 1 tetor të këtij viti Partia Demokratike ka dorëzuar një kërkesë pranë Kryesisë së Kuvendit për të hetuar ligjshmërinë e ndjekur nga autoritetet në lidhje me inceneratorët. Deputetja Jorida Tabaku, nënkryetare e PD, që kërkon të jetë edhe kryetare e këtij komisioni e ka quajtur këtë çështje si aferën më të madhen përsa i përket korrupsionit të qeverisë. Ndërsa, bëhet me dije se qeveria ka pranuar kërkesën e Tabakut dhe vendimi për ngritjen e komisionit ka hyrë në fuq.
Qeveria ka publikuar në Fletoren Zyrtare vendimin për ngritjen e Komisionit si dhe ka paraqitur emrat e anëtarëve të komisionit me kryetare Jorida Tabaku. “Kuvendi i Republikës së Shqipërisë vendosi: I Ngritjen e komisionit hetimor të Kuvendit për shqyrtimin e kërkesës së një grupi deputetësh të Kuvendit për kontrollin e ligjshmërisë së veprimeve të organeve publike në procedurat për ndërtimin dhe administrimin e impianteve të trajtimit të mbetjeve urbane. Ky hetim do të synojë nxjerrjen e përgjegjësive institucionale, garantimin e transparencës, mbrojtjen e konkurrencës dhe tregut të lirë dhe garantimin e të drejtës së qytetarëve për një mjedis të pastër”, thuhet në dokument.
Sakaq, bëhet me dije se, ky Komision do të ketë si qëllim ndikimin e kontratave me inceneratorët në buxhetin e shtetit, pasojat dhe ndikimet në konkurrencën e lirë. Do verifikojë nëse projektet ecin në bazë të ligjit si dhe do të japë rekomandimet e nevojshme.
Komisioni do të behët nga 15 anëtarë; Jorida Tabaku, kryetare-PD2. Ermonela Felaj, zëvendëskryetare -PS. Arben Pëllumbi, anëtar- P4. Eduard Shalsi, anëtar- PS. Etjen Xhafaj, anëtar- PS. Anila Denaj, anëtare- PS. Fadil Nasufi, anëtar- PS. Antoneta Dhima, anëtare-PS. Besion Ajazi, anëtar-PS. Edmond Spaho, anëtar- PD. Helidon Bushati, anëtar-PD. Dhurata Çupi, anëtare- PD. Belind Këlliçi, – anëtar-PD. Luçiano Boçi, anëtar-PD. Lefter Gështenja, anëtar-PD.
