Ervin Mete, ministri i Financave, është paraqitur sot në SPAK. Sipas raportimeve ai është thirrur në kuadër të hetimeve që SPAK po kryen për inceneratorët, ndërsa Mete u paraqit me cilësinë e personit që ka dijeni për ccështjen.
Mete ka mbajtur detyrën e zv.ministrit të Financave në kohën kur janë bërë marrëveshjet lidhur me të që konsiderohet si një nga aferat më të mëdha në vend.
SPAk vijon hetimet lidhur me këtë aferë, ndërsa dosja që konsiderohet një patete e nxehtë në duart e prokurorëve ka lidhje me inceneratorin e Tiranës. Ky i fundit është vendosur nën sekuestro preventive, ka arrestime të disa zyrtarëve të Bashkisë së Tiranës, por nuk dihet nëse SPAK do të arrijë t’i shkojë deri në fund, duke vendosur para përgjegjësisë Kryebashkiakun e Tiranës, Erion Veliajn. Ky i fundit deri më tani është konsideruar ndër emrat e paprekshëm të politikës së Tiranës, edhe pse janë publikuar dokumente që nxjerrin zbuluar rolin e tij në këtë aferë.
Lidhur me aferën SPAK ka arrestuar ish-ministrin e Mjedisit, Lefter Koka, ish-deputetin socialist Alqi Bllako, ka shpallur në kërkim ish-zv.Kryeministrin Arben Ahmetaj, por asnjë prej kryebashkiakëve në bashkitë ku janë inceneratrorët, Elbasan, Fier dhe Tiranë, nuk janë proceduar.
Discussion about this post