Pak minuta më parë ka nisur mbledhja e Komisionit Hetimor për inceneratorët. Në fjalën e saj për hapjen e mbledhjes, kryetarja e Komisionit, Jorida Tabaku, ka bërë me dije se sot do të ngrenë një padi për institucionet që nuk i janë përgjigjur shkresave për informacion këtij Komisioni.
“Të ngremë një padi për këto që nuk kthen përgjigje brenda kohës, rruga e butë ka përfunduar, shumë e rëndësishme përgjigja e drejtorisë së tatimeve, e theksoj“, tha Tabaku. Ndërsa u shpreh e bindur se të gjithë ata që janë në listë do të vijnë për të dëshmuar dhe hetimet nuk do të ndalen derisa të zbardhet afera gjigande. Kujtojmë se ky komision ka nisur pak kohë më parë edhe pse shpesh herë ka pasur përplasje me mazhorancën. Tabaku prej fillimit ka deklaruar se komisioni do të vazhdojë punën e tij normalisht sipas ligjit dhe PD nuk do të tundohet para asgjëje.
Discussion about this post