Nëse akuzat për të cilat po hetohet klubi i Juventus do të rezultojnë të vërteta, atëherë ‘Zonja e Vjetër’ rrezikon rënien në Seria B dhe humbjen e titullit.
Prokuroria Publike e Torinos hapi zyrtarisht një hetim që përfshin të gjithë drejtuesit e Juventusit (nga Agnelli deri te zv.presidenti Pavel Nedved) për kontabilitet të rremë.
Koordinimi i Shoqatave të Mbrojtjes, njohur ndryshe si Codacons e cilëson se është “një kuti e vërtetë e Pandorës, duke pasur parasysh se vitet e fundit shumë operacione që përfshinin klubin e Juventusit kishin bërë që tifozët dhe opinionistët e futbollit të mos i pëlqenin”.
“Në veçanti, nën akuzë janë plusvalencat në merkato dhe tarifat e paguara ndaj menaxherëve, të regjistruara në buxhetet e tre sezoneve sportive, nga ai i përfunduar më 30 qershor 2019 deri në atë të fundit, që ka përfunduar më 30 qershor të këtij viti. Në total ka fitime kapitale prej 282 milionë eurosh në tre vjet ‘të karakterizuara nga rritja e vlerave me mashtrim”,- nënvizon shoqata e konsumatorëve, raportojnë mediat italiane.
Nëse Prokuroria Federale vërteton këto akuza klubi i Juventus do të rrezikonte kalimin në Seria B dhe revokimin e titujve të fundit të kampionatit, të fituara me hijen e këtyre operacioneve potencialisht të paligjshme./K.T/Gijotina.com
Discussion about this post