Prokurorja, Sonila Muhametaj, vazhdon të këmbëngul për rikthimin e garës për në SPAK, duke pretenduar se fituesit janë të paaftë dhe jo të pastër nga ana profesionale. Ajo shprehet se këtu mund të ndikuar edhe fakti që dikur ka hetuar kushëririn e deputetit socialist Taluant Balla. Në një prononcim për mediat Muhametaj shprehet se Elvin Gokaj dhe Alfred Shehu e fituan garën për në SPAK nën preferenca të qëllimshme, edhe pse sipas saj njëri ishte konsideruar i paaftë nga vettingu dhe tjetri me dosje të pahetuara, si vrasja para zgjedhjeve në Elbasan. Muhametaj thotë se vetë ajo vetë kishte hetuar dy anëtarëT e KLP dhe kjo gjë ndikoi në renditjen që bënë ata për garën e SPAK.
“Sa i përket zotit Shehu nuk ka kushtin e parë atë të sigurisë, certifikata e sigurisë së tij është e deklasifikuar pjesërisht kurse prokurorët dhe të gjithë magjistratën duhet ta kemi të deklasifikuar plotësisht. Një nga kushtet sensitive është edhe qëndrimi i prokurorit në hetimet. Për Gokajn , qëndrimi i KPK dhe KPA është ai i paaftësisë që e dënoi të shkonte në shkollën e magjistraturës”, shprehet ajo.
Me Gokajn dhe Shehun të emëruar prej kohësh në SPAK, që është formuar me 17 gjyqtarë, beteja e prokurores Sonila Muhametaj ngre një pikëpyetja sa i takon mënyrës se si u formua SPAK.
Discussion about this post