Një ngjarje e rëndë ka ndodhur në Itali, ku një 28-vjeçar me origjinë shqiptare ka rënë nga maja e monumentit të Detarit të Italisë. Ai ra nga një lartësi prej të paktën 50 metrash duke ndërruar jetë në vend.
Ngjarje tragjike ndodhi në Brindisi të Italisë, ku dyshimet paraprake janë se i riu mund të ketë kryer vetëvrasje. Ngjarja e rëndë ndodhi mëngjesin e të dielës, teksa shumë familje kishin dalë për shëtitje në rrugët e qytetit në lagjen Casale. Ata u tronditën në momentin kur 28-vjeçari shqiptar “fluturoi” nga lartësia.
Në vendngjarje mbërritën menjëherë forcat e policisë dhe ambulanca, por i riu kishte ndërruar jetë në vend. Një tjetër tragjedi e ngjashme u shënjua në vitin 2015 në po të njëjtin monument, ku një 34-vjeçar u hodh nga lartësia duke u vetëflijuar.
Discussion about this post