Hidhet nga kati i dytë i pallatit, 23-vjeçarja dërgohet në spitalin e Sarandës

Një ngjarje e rëndë është shënuar në Sarandë, ku një 23-vjeçare është hedhur nga ballkoni i pallatit ku jetonte.

Sipas policisë E. M., 23 vjeçe, aktualisht ndodhet në spital, nën kujdesin e mjekëve.

“Gjatë natës, në spitalin e Sarandës është dërguar për ndihmë mjekësore 23-vjeçarja me inicialet E. M., e cila dyshohet se është vetëhedhur nga kati i dytë i pallatit ku jeton. Deri më tani, bëhet me dije se ndodhet në spital, nën kujdesin e mjekëve.”

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes Materialet i kaluan Prokurorisë, për veprime të mëtejshme.