Është hedhur në Gjykatën e Posaçme të Apelit për Korrupsionin dhe Krimin e Organizuar shorti për trupën gjykuese që do të gjykojë çështjen e ish-ministrit Saimir Tahiri dhe ish-kreut të policisë së Vlorës, Jaeld Çela.
Sipas njoftimit zyrtar, rezulton se çështjen do ta kryesonte gjyqtarja Miliana Muça dhe anëtare gjyqtaret Daniela Shirka dhe Ilirjana Olldashi.
Por, Gjyqtarja Miliana Muça paraqiti aktin e heqjes dorë nga çështje (për faktin se është shprehur më parë duke qenë gjyqtare e seancës paraprake), kërkesë që u miratua nga zëvendëskryetari i gjykatës. Nisur nga kjo, çështja u rishortua, duke përcaktuar trupin gjykues të përbërë nga kryesuese Daniela Shirka, anëtare Ilirjana Olldashi. Anëtari i tretë pritet të delegohet nga Këshilli i Lartë Gjyqësor.
Tahiri u dënua me 5 vite burg nga Shkalla e Parë, vendim i cili u konvertua në 3 vite shërbim prove. Ishte ish ministri i brendshëm që bëri rekurs në Gjykatën e Lartë, kërkesë e cila u pranua pjesërisht duke e kthyer për rigjykim në Apel, por me trupë tjetër gjyqësore. Kujtojmë se disa javë më parë Gjykata e Lartë ktheu për rigjykim këtë çështje me argumentin se gjatë procesit të gjykimit janë kryer shkelje të rënda proceduriale.
Discussion about this post