Edicioni i dytë i Ligës Unike është gati, kompeticion në të cilën marrin pjesë ekipet më të mira të basketbollit në Shqipëri dhe Kosovë.
Në këtë edicion Liga Unike vjen me një kalendar të plotë ku do të ketë pjesëmarrje edhe nga skuadrat e femrave.n
Ndërkohë, mesditën e djeshme është hedhur shorti për sezonin 2021-2022. Ndeshjet për femra do të fillojnë këtë mesjavë dhe do të mbahen me 10 javë me sistem vajtjeardhje, për të vijuar më pas me fazën e “play off”-it.
Tek meshkujt takimet do të nisin në fundjavë dhe gjithashtu do të luhen me sistem vajtje-ardhje.
Te meshkujt kemi këto sfida: Tirana-Rahoveci, Prizreni 16-Kamza, Vllaznia-Ylli dhe Peja-Teuta.
Java e parë për femrat rezervon këto duele: Tirana-Prishtina, Bashkimi-Partizani dhe Flamurtari-Penza.
