16 ekipet që do të konkurrojnë për fazën tjetër të Champions League tashmë janë vendosur dhe pritet që sot ata të mësojnë kundërshtarët.
Shorti do të hidhet këtë të hënë në orën 12:00 në Nyon të Zvicrës, ku përveç këtij kompeticioni do përcaktohen edhe ndeshjet e Europa dhe Conference League në të njëjtën ditë.
16 skuadrat finaliste janë ndarë në dy grupe, në të parin bëjnë pjesë ato skuadra që kanë dalë në krye në grupet respektive, teksa në grupin e tjetër ato që kanë përfunduar të dytat në fazën e grupeve.
Grupi 1: Ajax (HOL), Bayern Munich (GJER), Juventus (ITA), Liverpool (ANG), LOSC Lille (FRA), Manchester City (ANG), Manchester United (ANG) dhe Real Madrid (SPA).
Grupi 2: Atletico Madrid (SPA), Benfica (POR), Chelsea (ANG), Inter (ITA), Paris Saint-Germain (FRA), Salzburg (AUT), Sporting CP (POR) dhe Villarreal (SPA)/ Atalanta (ITA).
Në fazën e 16-ve nuk përplasen skuadra nga i njëjti vend dhe ato që kanë qenë pjesë e të njëjtit grup në raundin e kaluat, ndërsa ndeshjet do të luhen me sistem vajtje-ardhje.
Takimet e para të këtij raundi do të zhvillohen në datat 15 dhe 16 shkurt si edhe në 22 dhe 23 shkurt të 2022-shit. Teksa ato të kthimit janë përcaktuar të luhen më 8 e 9 mars si dhe 15 e 16 mars 2022.
Finalja Champions League për këtë sezon do të luhet më 28 maj 2022 në stadiumin “Gazprom Arena” në Shën Petersburg të Rusisë./K.T/Gijotina.com
Discussion about this post