Hidhte nga ndërtesa shtatëkatëshe mbetje llaçi në Bistricë, arrestohet 60-vjeçari

Një 60- vjeçar ka rënë në prangat e policisë në Sarandë dhe 4 të tjerë janë në hetim.

Sipas bluve, 60-vjeçari është kapur nga punonjësit e policisë në vendin e quajtur “Kanali i Çukës” duke hedhur nga ndërtesa shtatëkatëshe mbetje llaçi ne grykëderdhjen e lumit “Bistricë”. Po ashtu, njoftohet se në hetim janë vënë dy qytetarë për kalim të paligjshëm të kufirit, përkatësisht A.B.,22 vjeç, banues Elbasan,  dhe B.I.,29 vjeç, banues në Peshkopi, pasi janë kthyer deportiv nga Italia dhe Greqi.

Në hetim nga policia janë vënë edhe A.Gj., 59 vjeç, banues në Babicë e Madhe, Vlorë pasi dyshohet se ka kërcënuar me thikë një 16-vjeçar në rrugë dhe Z.H., 56 vjeç, banues në lagjen “24 Maji”, Vlorë, pasi u kap duke kryer punime pa lejen e organeve kompetente.