Hidrovori në Vlorë prej tre ditësh në flakë, asnjë ndërhyrje nga ajri

Prej tre ditësh zona e Hidrovorit në Vlorë është përfshirë nga flakët. Por situata duket se nuk po merret aspak seriozisht nga organet kompetente.

Zjarrëfiksja e Vlorës ka tre ditë që shkon në zonën e cila po digjet por pa rezultat pasi ata shprehen se është moçal dhe ndërhyrja në vatrat e zjarrit është e vështirë me mjete tokësore dhe nuk munden të shuajnë të gjitha vatrat e zjarrit.

Prefekti i Vlorës, Flamur Mamaj ështe pyetur nëse mund të ndërhyjnë nga ajri me mbështetjen e forcave të ushtrisë por përgjigja e tij është se nuk është marrë parasysh si zgjidhje.

Zona që është duke u djegur është e mbrojtur dhe akoma nuk ka masa serioze për ndalimin e vatrave të zjarrit.