Vetëm 8 muaj pas finalizimit të një nga tenderat më të dyshimtë për oksigjen spitalor me kosto 9 miliardë lekë, Qendra Spitalore Universitare Nënë Tereza ka rihapur një tjetër proçedurë për blerjen e oksigjenit spitalor. Ky tender është hapur nga drejtori i QSUT-së, Enkelejd Joti.Hapja e këtij tenderi shton indicie mbi abuzime me tendera nga ky institucion.
Nga muaji shkurt dhe deri ne muajin tetor janë ezauruar 9 miliardë oksigjen, ndërkohë që rastet me Covid-19 kanë ardhur në ulje gjatë kësaj periudhe krahasuar me një vit mëparë.
Dyshime bien edhe mbi firmën fituese, e cila rezulton fituese në këto tendera, ndërkohë që fakt është se në të gjitha procedurat e blerjes së oksigjenit spitalor nuk ka pasur garë. Në një procedurë tenderuese është futur e vetme GTS-ja e Nikut të përgjimeve të Ndrangheta-s dhe në procedura të tjera është futur vetëm Messer Albagaz. Në dokumente thuhet se procedura është e hapur, por referuar rasteve të tjera rezulton se këto procedura janë shumë të mbyllura
Sipas dokumenteve, Qendra Spitalore Nënë Tereza ka hapur procedurën “furnizim me oksigjen te lëngshëm mjekësor për nevojat e QSUNT”. Mësohet se fondi i këtij tenderi është 269,395,513 lekë pa TVSH, me TVSH rreth 1 milionë USD. Tenderi sapo është shpallur, ndërsa do të duhen disa javë që të finalizohët.
Ndërkohë, tenderi i mëparshëm i QSUT-së ka ngritur shumë hije dyshimi, pasi “Niku” i GTS-së ka fituar mbi 9 miliardë lekë të vjetra për oksigjen mjekësor. investigoi edhe këtë procedurë ku faktoi se GTS-ja, megjithëse kishte paraqitur një ofertë gati 100 përqind të fondit limit dhe rreth 700 milionë lekë të vjetra më të lartë se sa konkurrenti tjetër në garë.
