Hipi mbi trafikndarësen, policia i pezullon patentën për 1 vit
Policia e Tiranës ka gjobitur me 15 mijë lekë të reja një drejtues automjeti dhe i ka pezulluar patentën për një vit pasi ka bërë lëvizje të rrezikshme dhe ka tentuar të kapërcejë trafikndarësen.
Policia deklaron se në kuadër të masave të marra për drejtuesit e mjeteve që nuk zbatojnë rregullat e qarkullimit, ditën e sotme nëpërmjet rrjeteve sociale, është publikuar video e mjetit me targa AA 199 PI ku drejtuesi i mjetit bënte manovra të rrezikshme dhe ka tentuar të kapërcejë trafikndarësen.
Falë punës të mirë organizuar nga strukturat e policisë u bë e mundur gjetja dhe ndalimi i mjetit së bashku me drejtuesin e mjetit e shtetasit me inicialet N.S.
Discussion about this post