Po mbahet takimi i kryeministrit Edi Rama në Londër me shqiptarë të cilët jetojnë në Britani. Takimi i cili u prit më një protestë të fuqishme të shqiptarëve që jetojnë në Britani.
Ata akuzuan Edi Ramën si përgjegjës të shpopullimit të Shqipërisë dhe si drejtues i një qeverie që është e lidhur kokë e këmbë me krimin.
Ndërkohë brenda sallës ka pasur edhe incidente teksa disa protestues pas thirrjeve kundër Ramës janë dhunuar e larguar nga salla.
Në fjalën e tij Rama, i cili me politikat e tij është përgjegjës për largimin e mijëra shqiptarëve u bëri thirrje atyre që të rikthehen në Shqipëri.
“Nuk dua t’ju gërvisht plagën, por ku kur del dielli këtu duket si bora kur bie në Tiranë, çdo shqiptari të Britanisë që e ka lënë pas një shtëpi të vjetër në fshat i them sot investo tek ajo shtëpi tek ai truall, të ardhurat do të jenë shumë më të larta se dy palë punë këtu. Nga Britania e Madher është kthyer atje në Malësinë e Madhe Gëzimi i cili mikpret turistë nga e gjithë bota dimër verë, pyeteni si del më mirë llogaria”, u shpreh ndër të tjera ai.
Discussion about this post