Tre adoleshentë janë proceduar penalisht pasi nëpërmjet adresave fallso në rrjetet sociale mashtronin persona të ndryshëm.
Burime policore bëjnë me dije se adoleshentët të moshave 16 vjeç hapnin adresa falso dhe hiqeshin si vajza ku afronin marrëdhënie seksuale.
Nga të dhënat mësohet se ata pasi komunikonin me personat që binin pre e mashtrimit linin takime në vende të ndryshme dhe shumën monetare i kërkonin ta linin ne vende të fshehta. Në një nga rastet ata kanë kërkuar që pasi kanë lënë takim kanë kërkuar që paratë ti linin te hyrja e pallatit. Në momentin që merrnin shumën monetare, ata i bënin bllok personave të mashtruar dhe zhdukeshin duke humbur gjurmët.
Mësohet se policia e Tiranës ka dokumentuar qindra raste mashtrimi te ketij lloji ndërsa deri më tani janë identifikuar 3 adoleshentët që po procedohen nga policia për mashtrim kompjuterik. Sipas burimeve në total nëpërmjet kësaj skeme mashtrimi janë përfituar rreth 30 mijë euro.
Njoftimi i policisë
Tiranë/Finalizohet nga Sektori për Hetimin e Krimeve Kibernetike të DVP Tiranë, operacioni policor i koduar “Takimi”.
Përvetësuan shuma të ndryshme parash, nëpërmjet mashtrimit kompjuterik, duke hapur llogari me të dhëna false në rrjete sociale, identifikohen dhe procedohen penalisht 3 shtetas.
Falë punës intensive të Sektorit për Hetimin e Krimeve Kibernetike të DVP Tiranë, zbardhen dhe dokumentohen rreth 150 raste të kësaj skeme mashtrimi kompjuterik, prej të cilave këta shtetas kanë përvetësuar shumën rreth 30 000 euro.
Specialistët e Sektorit për Hetimin e Krimeve Kibernetike në DVP Tiranë, në vijim të punës për parandalimin e veprimtarive kriminale në fushën e krimeve kibernetike, gjatë monitorimeve të rrjeteve sociale dhe burimeve te hapura, kanë konstatuar llogari të ndryshme me të dhëna të dyshuara të falsifikuara.
Gjatë monitorimeve të këtyre llogarive janë konstatuar publikime të ndryshme në të cilat premtoheshin favore seksuale kundrejt pagesave të ndryshme monetare, dhe menjëherë është organizuar puna për vënien para përgjegjësisë ligjore të personave përgjegjës, të kësaj skeme mashtrimi kompjuterik.
Pas një pune të mirëorganizuar u finalizua operacioni policor i koduar “Takimi”, në kuadër të cilit u identifikuan dhe proceduan penalisht tre shtetas të mitur të moshave 16 dhe 17 vjeç.
Tre autorët, krijonin llogari me të dhëna të falsifikuara të shtetaseve të ndryshme, dhe me anë të postimeve në këto profile, premtoheshin favore seksuale kundrejt pagesave të ndryshme. Administratorët e këtyre profileve, kërkonin nga të interesuarit që pagesa të kryhej në disa vendndodhje të përcaktuara prej tyre, i merrnin paratë pasi i orientonin të interesuarit për vendet ku duhej të lihej pagesa dhe më pas largoheshin duke i bllokuar personat në llogaritë e tyre, në rrjetet sociale ku komunikonin.
DVP Tiranë fton qytetarët që nqs do të konstatojnë profile të tilla nëpër rrjete sociale, të paraqiten në Sektorin për Hetimin e Krimeve Kibernetike, në DVP Tiranë.
Discussion about this post