Kryeministri Edi Rama po zhvillon një takim me qytetarët e Beratit, ku në fokus të bisedës është restaurimi i zonave muzeale të qytetit. I pranishëm në këtë bashkëbisedim kryetari i baskisë së Beratit, Petrit Sinaj njoftoi se tarifa për të hyrë në kalanë e Beratit do të hiqet.
“Të heqim tarifën në hyrje të kalasë, në mënyrë që ato problemet që kemi pasur jo vetëm thjeshta nga ballafaqimi me turistët por edhe më banorët e kalasë, Të jetë një pengesë të hiqet nga pikëpamja administrative”, tha Sinaj.
Lidhur me problemet e pronësisë të banorëve në kalanë e Beratit, Rama u shpreh se ata duhet të dakortësohen dhe të pëfitojnë nga bonuset, teksa shtoi se të ardhurat do të ndahen sipas hapësirave të vënë në dispozicion.
“Problemet e pronësisë janë të brenda midis familjarëve, do thoja miqësisht në vend që të ziheni me njëri tjetrin dhe objekti rri pa përdorur bini dakord të përfitoni nga bonuset dhe rrugës shikoni se kur do zgjidhni çështjen tuaj. Të ardhurat ndahen sipas hapësirave të vënë në dispozicion. “
Rama u shpreh se shteti do të ndërhyje përmes masave shtrënguese për rastet kur godina të rëndësisë të veçantë vihen në rrezik nga sherret e bashkëpronarëve.
“Nuk është një gjë për sot as pas dy vjetësh, ne do të ndërhyjmë me masa shtrënguese për rastet kur godina të rëndësisë të veçantë vihen në rrezik nga sherret e bashkëpronarëve që nuk merren vesh me njëri tjetrin. Ne mendojmë të stimulojmë bashkëpunimin mes familjeve për të vënë në jetë godinat”, u shpreh Kryeministri.
Discussion about this post