Pas refuzimit nga ana e Zinedine Zidane, Brendan Rodgers shihet si i duhuri për të zëvendësuar Ole Gunnar Solskjaer te skuadra e Manchester United.
Megjithatë sipas ish-yllit të West Ham, Carlton Cole, nëse Rodgers merr drejtimin e ‘Djajve të Kuq’ ai “do të ndërtojë një skuadër për të ardhmen” dhe duket se Cristiano Ronaldo nuk do jetë pjesë e këtyre planeve.
Cole beson se trajneri i Leicester City është “njeriu i duhur” për United dhe ai do të “zhdukë” lojtarët që nuk i përshtaten një formacioni apo sistemi të caktuar, përfshirë këtu edhe yllin e Portugalisë.
“Tifozët e Leicesterit do të më urrejnë për këtë, por ndjej se Brendan Rodgers mund të shkojë dhe ndjej se ai do të ishte njeriu i duhur për Man Unitedin. Hiqni qafe Ronaldon, ai [Rodgers] do të duhet ta nxjerrë jashtë. Arsyeja pse, sepse nëse keni dikë si Brendan, ai dëshiron të ndërtojë skuadrën për të ardhmen. Ata kanë disa perspektiva në atë skuadër që as nuk kanë luajtur ende, lojtarë shumë të mirë dhe po flitet për transferimin e Jude Bellingham gjithashtu. Ju duhet të planifikoni për të ardhmen. A është Ronaldo e ardhmja e Man United?”, deklaroi Cole për ‘talkSPORT’.
Portugezi, i cili ka kontratë deri në vitin 2023, ka shënuar 9 herë dhe ka regjistruar dy asistime në 13 paraqitje për Manchester United këtë sezon në të gjitha garat./K.T/Gijotina.com
Discussion about this post