Histori rrëqethëse, ja si e detyronin të miturën nëna dhe motra që të prostituonte

Karabinierët në Palermo kanë arrestuar një grua së bashku me vajzën e saj.

Të dyja protagonistet akuzohen se kanë detyruar anëtaren tjetër të mitur të familjes që të kryente marrëdhënie seksuale me burra në moshë të madhe në këmbim të pagesës.

Hetimi për ngjarjen në fjalë ka nisur që në vitin 2021. Prokuroria dhe policia kanë arritur në përfundimin se e mitura trafikohej nga nëna e saj dhe motra më e madhe.

Ndërkohë që në pranga kanë përfunduar edhe 4 persona të tjerë të cilët dyshohet se kryenin marrëdhënie me vajzën e mitur.

Ndërkohë hetimet po vijojnë për të kuptuar nëse rrejti i prostitucionit ka qenë edhe më i gjerë.