Historia e rrëmbimit të 30-vjeçares Ersida Dyrmishi është rikthyer sërish në qendër të vëmendjes, kësaj radhe me rrëfimet e të riut që ndodhet ende në qelinë e burgut të Durrësit. Në një telefonatë nga burgu, Marjus Musaku tha se edhe pse është ende në burg prej saj, e kishte falur pasi e dinte pse bëhej e gjithë ‘loja’.
Po ashtu, sipas Marjus Musakut ata kanë qenë vazhdimisht në kontakt me të dhe se ishte në dijeni se ajo ishte e martuar e me dy fëmijë. Madje shtoi se edhe i shoqi e dinte për ta.
“Burri ka qenë në dijeni të marrëdhënies tonë. Ersida e ka tradhëtuar edhe burrin me shokun e tij. Ne lëviznim bashkë, shkonim në Porto Romano. Ersida e ka bërë këtë vetëm se unë e lashë kur i mora vesh lidhjen tjetër. Unë tani kam ardhur në Shqipëri se më ka vdekur babai. Unë dua që Ersida të vijë dhe të thotë të vërtetën në Gjykatë. Nëse jam fajtor, të dënohem me varje. Ersida rrinte më shumë me mua sesa me burrin e saj. Pse mashtroi ajo? E kam dashur me gjithë shpirt, ia mbaja edhe fëmijtë. Ka bërë jetë luksi me mua. Unë e kam falur se e ka bërë nga depresioni. Unë e di pse luhet kjo lojë…,“-u shpreh Marjus Musaku.
Marjus Musaku tregoi se pasi zbuloi se ajo kishte një lidhje tjetër me shokun e burrit, pavarësisht se ishte e lidhur edhe me të, i ka kërkuar që të largohet. Por shtoi se kishin një vit e gjysëm të lidhur dhe se takoheshin çdo ditë.
Disa javë më parë bëri bujë lajmi se nëna e dy fëmijëve, 30-vjeçarja Ersida Dyrmishi, ishte larguar pa gjurmë nga banesa duke detyruar të shoqin që të denonconte zhdukjen e saj në Polici. Burri i saj publikoi foton e të shoqes dhe kërkonte informacione për të. E reja u gjet në një hotel, e pretendoi se Marjusi e kishte marrë peng nën kërcënimin e armës, madje dhe e kishte përdhunuar. Ndërkohë sipas familjarëve të Marjusit, ai ndodhet ende në qeli dhe rrezikon nga 10 deri në 25 vite burg.
Discussion about this post