I ftuar në emisionin “Big Brother VIP Fan Club”, ish-banori, Petro Xhori që përfundoi rrugëtimin e tij në shtëpinë më të famshme, ka ndarë me publikun disa detaje nga jeta e tij pas largimit.
Ai ka rrëfyer një histori të dhimbshme të familjes, duke treguar se mendjen e kishte pasur gjithmonë te ata gjatë kohës që ishte pjesë e spektaklit. Ky rrëfim ka emocionuar jo vetëm të ftuarit, por edhe ndjekësit që e kanë mbështetur gjatë gjithë periudhës në BBV
Emocionet e mira ishin më të mëdha se ambiciet.
“Ato 10 ditë mund të ngjajnë shumë pak për njerëzit që janë jashtë por për ne janë më shumë seç dukem. Sidomos kur kemi gjëra jashtë. Pjesa ime familjare ishte një arsye që unë mendoj që e ndjeva që u penalizova shumë. Gjatë gjithë kohës e kisha mendjen tek babi dhe tek motra që kisha lënë jashtë dhe kur ndërtoheshin situatat aty më dukeshin jo shumë serioze për t’u agravuar sa për t’u kthyer në debat dhe për ta çuar tek ‘Prime’-i i famshëm. Për të marrë momentin dhe çastin e lavdisë.
Mund të jem shumë emocional, sepse flas nga zemra por unë nuk jam natyrë që fle gjumë. Jam një njeri që si çdokush ka pasur sprovat dhe sfidat e tij në jetë. Ndoshta ato kanë qenë edhe arsyeja që më kanë kthyer në shumë emocional. Më kanë mësuar që të mos prek emocionet dhe zemrat e të tjerëve.
Babai im në këto çaste është i paralizuar në krevat dhe nuk po e shfrytëzoj këtë moment për viktimizim. Dua të shprehem realisht sepse e di që nuk do të kem ndonjë moment tjetër për t’u shprehur. Pjesa edhe kur mamaja ndërroi jetë ka ndikuar, pjesa e babait dhe paçka të gjitha këtyre gjërave kisha mendjen vetëm tek motra.”
Discussion about this post