Një bandë trafikantësh droge do të komunikonte përmes internetit me shtetasin shqiptar Flamur Dedja, duke e detyruar të kujdesej për të korrat në Ashton Terrace në Harehills.
Ai erdhi në Mbretërinë e Bashkuar, duke udhëtuar me një kamion, në fillim të këtij viti me kosto 10,000 £, shumë që më pas ia kishte borxh trafikantëve, u tha gjatë seancës në Gjykatën e Kurorës së Leeds.
Ai u vu në punë ilegalisht si piktor dhe dekorues në Leicester, por iu tha se nuk po e kthente borxhin mjaftueshëm shpejt dhe u detyrua të bëhej “kopshtar” në fermën e drogës në Leeds, duke u kujdesur për bimët.
Prokurorja Jemima Stephenson tha se pas një njoftimi, policia bastisi pronën më 5 prill, ndërsa Dedja u kap brenda ndërtesës.
Ata gjetën 71 bimë në tre dhoma me një vlerë totale deri në 39,000 £.
Oficerët gjetën ushqimin bazë në shtëpi dhe një kamerë në dritaren e përparme. Gjatë intervistës së tij në polici, 31-vjeçari Dedja tha se lejohej të largohej nga prona çdo dy javë për të blerë ushqime dhe i jepeshin 100 £ çdo tre muaj.
Ai tha se banda i hoqi pasaportën, do të fliste me të përmes kamerave të internetit në pronë dhe e kërcënonin se do ti dëmtonin familjen e tij në Shqipëri nëse ai nuk do të bashkëpunonte. Ai pranoi akuzën e prodhimit të kanabisit dhe u vendos në paraburgim.
Gjatë seancës, Satpal Roth-Sharma argumentoi se ai nuk po punonte në një “rol të rëndësishëm” me një “shkallë presioni” të vendosur mbi të. Dedja tha se donte vetëm të kthehej në Shqipëri për të qenë me gruan dhe djalin 4-vjeçar.
Ajo tha: “Ishte një tronditje e madhe dhe një stres për të, të qenit në paraburgim në një vend të huaj. Shqetësimi i tij më i madh është familja. Ai nuk e ka parë familjen e tij që nga viti i kaluar dhe është shumë i shqetësuar për ta, dhe ata natyrisht janë shumë të shqetësuar për të.”
Gjykatësi Andrew Stubbs KC i tha atij: “Ti zgjodhe të vish këtu në mënyrë të paligjshme dhe të jetoni këtu në mënyrë të paligjshme, gjë që bëri që ju të arresëtoheshit në fermën e kanabisit në Leeds”.
Ai i dha atij një dënim me 12 muaj burg dhe tha se pret që të deportohet, pasi të lirohet.
Discussion about this post