Spanja arriti të pushtojë botën e futbollit duke fituar një Kupë Bote dhe dy Kampionate Europianë me shumicën e lojtarëve që ishin pjesë e Barcelonës.
Në “Afrikë 2010”, për formacionin e Vincente del Bosque ishin në fushë shtatë lojtarë të Barçës (Pique, Puyol, Busquets, Xavi, Iniesta, Pedro dhe Villa), po ashtu edhe në finalen e Kievit 2012 Pique, Jordi Alba, Busquets, Xavi, Iniesta, Cesc dhe Pedro).
Me sa duket historia do të përsëritet sërish, pasi në ekipin aktual të Luis Enrique, një pjesë e madhe e lojtarëve luajnë për klubin katalans.
Më i fundit është Ferran Torres, blerja më e re e blaugranëve që kohët e fundit e ka pasur të padiskutuar një vend në kombëtaren spanjolle.
Në Botërorin e ardhshëm në Katar, sërish pritet që përbërja më e madhe e lojtarëve (sidomos ata që e nisin si titullarë) të jenë nga Barcelona.
Jordi Alba, Sergi Roberto, Eric Garcia, Busquets, Pedri, Gavi, Ansu Fati, Ferran Torres përbëjnë një listë që me shumë mundësi do i bashkohet edhe Nico Gonzalez, nëse vazhdon me paraqitjet e mira.
Ajo që mbetet për t’u parë është nëse edhe ky brez do të ketë po aq sukses sa ata që ishin para tyre, duke fituar çdo trofe të mundshëm me kombëtaren.
Discussion about this post