Historiani Marenglen Kasmi ka komentuar situatën në Ukrainë, e cila është në ditën e gjashtë të pushtimit rus. Historiani Kasmi shprehet se Putin e parashikoi si një luftë të shpejtë që do mbaronte shpejt, por nuk ndodhi kështu. Sipas Kasmit, konflikti do të zgjasë dhe mund të ketë një përshkallëzim të mëtejshëm drejt vendeve baltike.
“Qëndrimi i Putin është i shkëputur nga realiteti. Shikojmë ushtarë rusë të paorientuar dhe kapen robër dhe nuk e dinë si janë. Unë e shikoj të mundur këtë skenar. Kjo u mendua si një luftë e shpejtë, por përvoja tregoi të kundërtën. Unë parashikoj që konflikti do të zgjasë dhe mund të ketë një përshkallëzim të mëtejshëm drejt vendeve baltike. Putin mendoi se lufta në Ukrainë mund të ishte e shkurtër dhe do ta mbaronte shpejt, ndërkohë që mbarimi i saj nuk do jetë më ky Putin që është edhe brenda Rusisë.”, u shpreh historiani Marenglen Kasmi. Kujtojmë se lufta në Ukrainë zgjat prej 6 ditësh dhe me qindra ushtarë e civilë kanë humbur jetën, ndërsa qytetet kanë pësuar dëme të mëdha.
Discussion about this post