Detaje të reja kanë dalë nga zjarri i rënë në komisariatin e Kamzës, ku si pasojë humbi jetën Arben Mici , 26 vjeç, banues në Cerkezë.
Ndërkohë u asfiksuan i ndaluari Dilaver Idrizi 62 vjeç i cili ndodhet në spital jashtë rrezikut për jetën, si dhe Hajredin Boja punonjësi i policisë, jashtë rrezikut për jetën.
Dilaver Idrizi dyshohet se i ka vendosur flakën qelisë.
Pak ditë më parë Dilaver Idrizi u arrestua pasi dhunoi barbarisht bashkëjetuesen dhe më pas e hodhi nga ballkoni i katit të tretë duke e paraqitur si aksidentale.
Ai ka dalë këtë të shtunë para gjykatës ku prokuroria ka kërkuar masën arrest me burg.
Ka qenë vajza e gruas së dhunuar që ndihmoi hetuesit e policisë së Tiranës për të zbardhur ngjarjen duke dëshmuar dhunën që 62-vjeçari ushtronte vazhdimisht ndaj nënës së saj.
Discussion about this post