Robert Lewandowski është një nga emrat më të mirë të futbollit botëror, ndonëse nuk arriti të merre ‘Topin e Artë’.
Duke folur për të ish-presidenti i Bayern Munich, që është skuadra ku luan ylli polak, Uli Hoeness është shprehur me superlativa. Në një prononcim të dhënë për ‘Kicker’, ai e këshilloi sulmuesin që pasi të mbyllë karrierën si futbollist t’i futet politikës.
“Robert është një djalë që mendon shumë, ai është tepër inteligjent dhe ka një vizion të qartë për botën. Nëse do t’i futej politikës, jam i sigurt se ai do të ishte në gjendje të bëhej kryeministri i Polonisë. Unë do të kisha shumë besim tek ai. Lewandowski është një djalë me ide të qarta në jetë“,-tha Hoeness për yllin e Bayern, që vetëm këtë sezon ka shënuar plot 30 herë./K.T/Gijotina.com
Discussion about this post