Sulmuesi më i ri i Manchester United, danezi Rasmus Hojlund, u prezantua me plot bujë në stadiumin mitik “Old Trafford” para një numri të konsiderueshëm tifozësh.
“Bomberi” 20-vjeçar është kthyer në transfertën më fitimprurëse në historinë e Atalantës me 75 milionë eurot e paguara nga “Djajtë e Kuq” (plus 10 në bonuse).
Lojtari ka folur për kanalet zyrtare të klubit anglez, duke fituar ende pa zbritur në fushë zemrat e tifozëve:
“Jam entuziast, do të derdh gjak për këtë fanellë dhe dua të fitoj trofe, prandaj jam këtu. Sigurisht që kam shumë për të mësuar, por dua të bëhem një sulmues i klasit botëror sa më shpejt të jetë e mundur.”
Rasmus më tej vazhdon: “Unë jam këtu edhe sepse Premier League është më konkurruesja në botë. Të luaja për Manchester United ka qenë gjithmonë ëndrra ime dhe këta faktorë më shtynë të vendos të vij këtu.”/SSA
Discussion about this post