Mëngjesin e sotëm në varrezat Coviolo në Reggio Emilia u hap shtëpia funerale ku u vendosën katër arkivolët e bardhë me trupat e viktimave të aksidentit tragjik të së dielës në Gaida.
Miq dhe të afërm bënë homazhe dhe vendosën lule.
Në aksidentin tragjik të mbrëmjes së 30 tetorit humbën jetën Shane Hyseni, nënë e re 22 -vjeçare, djali i saj Mattias Lame, një vjeç e katër muaj, motra dhe vëllai, Rejana, 9 vjeç dhe Resati, 11 vjeç.
Varrimi do të bëhet sipas ritit mysliman në Durrës, vendi i origjinës së familjes shqiptare.
Data nuk është përcaktuar ende, duke qenë se fillimisht do të duhet të plotësohen dokumentet për transferimin, e cila duhet të bëhet të enjten ose më shumë të premten.
Ende i shtruar në terapi intensive në gjendje shumë të rëndë është 32-vjeçari që drejtonte makinën, Orjol Lame, bashkëjetuesi i Shanes dhe babai i Mattias.
Ai iu nënshtrua një testi toksikologjik për të parë nëse kishte marrë alkool apo substanca të tjera. Për të hetuar shkaqet e aksidentit tragjik, prokurori i Reggio Emilia ka hapur një hetim.
Discussion about this post