Në 11- vjetorin e ngjarjes së 21 janarit ku u vranë katër protestues para Kryeministrisë, familjarët e Ziver Veizit vazhdojnë të apelojnë për drejtësi. Motra e Ziverit, Trëndafilja, është shprehur e indinjuar duke kërkuar të mos i flitet për Sali Berishën, asokohe kryeministër, ndërsa shton se pas 11 vitesh ende nuk kanë gjetur drejtësi.
“Nëse do të ketë ndonjë zhvillim do e merrni vesh ju të parët. Ne drejtësinë do e kërkojmë derisa të rrojmë. Drejtësinë do e kërkojmë për vëllanë tonë. Nuk dua të ma zësh në gojë Berishën dhe asnjë. Unë kërkoj drejtësi për vëllain tim, e kërkojmë dhe do e gjejmë”, u shpreh motra e Ziver Veizit.
Homazhet për Ziver Veizin kanë bërë bashkë familjarë, miq dhe drejtues të pushtetit vendor. Ndërkohë që e bija e Ziver Veizit deklaroi nga Tirana se shpresa për vendosjen e drejtësisë është ajo që i mban gjallë familjarët.
Discussion about this post