Një tjetër dokument është shpërndarë në faqen e “Homeland Justice” në rrjetin social Telegram. Kësaj here, hakerat kanë nxjerrë listën e zgjedhëvse. Në dokument përfshiheshin numri i ID, emër, mbiemër, atësia, qendra e votimit etj. Të gjitha të dhëna të domosdoshme që duhen në ditën e votimit për çdo qytetar në Shqipëri. Ndërkohë që dokumentin me mijëra faqe kanë lëshuar dhe një mesazh të shkurtër.
“A nuk keni filluar të pendoheni që votuat për zyrtarët tuaj të korruptuar?,”-shkruhet krahas dokumentit të publikuar.
Hakerat iranianë kanë nisur një varg sulmesh prej muajsh. Së fundmi ata publikuan të dhënat bankare të 1000 bizneseve të mëdha e të vegjël, të personave fizik e juridikë dhe të institucioneve shtetërore. Më herët bënë me dije se kanë hakeruar dhe serverat e Credins Bank, por vetë banka njoftoi se të gjitha llogaritë e të dhënat e klientëve kanë mbetur të paprekura dhe se ishte cënuar vetëm një sistem periferik.
Hakerat kanë publikuar dhe certifikatat e sigurisë të punonjësve të Ministrisë, ndërsa më herët sfiduan kryeministrin Edi Rama me publikimin e listës së zgjedhësve. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit.
Discussion about this post