“Homeland Justice” i rikthehet sulmeve kibernetike në Shqipëri, ndërsa së fundmi grupimi i hakerave ka njoftuar sulmon ndaj kompanisë celulare “One”.
Hakerat njoftojnë se kanë fshirë mbi 2 petabajt të të dhënave të rrjetit, përfshi këtu edhe të dhënat e kompanive të lidhura me atë të telefonisë së lëvizshme.
Si gjithmonë grupimi i hakerave ka publikuar sulmin në kanalin e tyre në Telegram, ndërsa ata paralajmërojnë të tjera sulme dhe publike të dhënash sensitive.
“Kemi vërtetuar se kthetrat e shqiponjës janë aty…” thuhet në mesazhin e hakerave, që ashtu si më parë drejtojnë thirrje kundër atyre që i konsiderojnë politikanë të korruptuar dhe premtojmë pastrimin e vendit nga terroristët, sikundër konsiderojnë ata MEK-un, pjesëtarët e opozitës iraniane, që janë akomoduar në një kamp në Manzë të Durrësit.
Dhe pikërisht hakerat iranianë që fshihen, të paktën sipas identifikimeve të deritanishme, pas grupimit “Homeland Justice” e lidhin edhe sulmin e fundit me MEK, ndërsa pretendohet se një nga shërbimet që ofron kompania e telefonisë së lëvizshme “One” është mbështetësi i trolleve të MEK dhe ekipeve të sabotimit kibernetik.
Mëngjesin e sotëm, në mënyrë të beftë, kompania kishte ndërprerë shërbimin e telefonisë për abonentët e saj, shërbim që mungoi për të paktën 30 minuta, deri në rikthimin e tij. Nuk dihet nëse ndërprerja e shërbimit të komunikimit ka ose jo lidhje me sulmin e pretenduar kibernetik nga “Homeland Justice”.
Discussion about this post